1.1. Осы дербес деректерді өңдеу саясаты (бұдан әрі – Саясат) Қазақстан Республикасының 2013 жылғы 21 мамырдағы № 94-V «Дербес деректер және оларды қорғау туралы» Заңына (бұдан әрі – Дербес деректер туралы заң) сәйкес әзірленді және https://ponpartners.kz веб-сайты (бұдан әрі – Сайт) арқылы өңделетін ақпаратқа қатысты дербес деректер операторы болып табылатын ЖСН 920615050380, орналасқан мекенжайы: Қазақстан Республикасы, Астана қаласы, Сарайшық ауданы, Шәмші Қалдаяқов көшесі, 11-үй, «Пономарев және серіктестер» заң компаниясы» ЖК қызметін айқындайды.
1.2. Дербес деректерді өңдеудің құқықтық негізі Қазақстан Республикасының заңнамасы болып табылады.
1.3. Дербес деректер туралы заңның 1-бабында қамтылған ұғымдар мен терминдер осы Саясатта дәл сол мағынада пайдаланылады.
1.4. Дербес деректерді өңдеу ақпараттың құпиялылығын сақтау талаптарын сақтай отырып жүзеге асырылады. Оператор Қазақстан Республикасының заңнамасында көзделген жағдайларды қоспағанда, дербес деректер субъектілерінің дербес деректерін олардың келісімінсіз үшінші тұлғаларға жарияламайды және таратпайды.
1.5. Дербес деректерді өңдеудің мақсаты пайдаланушы мен оператор арасындағы байланысты электрондық хаттар жіберу және телефон қоңырауларын жүзеге асыру арқылы ұйымдастыру болып табылады. Өңдеу объектісі болып мынадай дербес деректер табылады: тегі, аты, әкесінің аты, телефон нөмірі, электрондық пошта мекенжайы. Деректерді өңдеу мынадай тәсілдер арқылы жүзеге асырылады: жинау, тіркеу, жүйелеу, жинақтау, сақтау, нақтылау (жаңарту, өзгерту), алу, пайдалану, иесіздендіру, бұғаттау және жою.
1.6. Оператор пайдаланушылардың өзі тиісті ақпаратты ұсынбай-ақ, олардың Сайтқа кіруі туралы ақпаратты жинауды жүзеге асыруы мүмкін. Мұндай ақпарат интернет-статистика мен баптаудың әртүрлі әдістері, құралдары және қызметтері (атап айтқанда Cookie файлдары мен Яндекс.Метрика қызметі) арқылы алынуы мүмкін. Оператор мұндай әдістерді, құралдарды және қызметтерді «Пономарев және серіктестер» заң компаниясы» ЖК көрсететін заң көмегі мен оқыту қызметтерін ілгерілету, алдағы оқиғалар мен іс-шаралар туралы ақпаратты мақсатты жарнама арқылы ұсыну, сондай-ақ Сайтты пайдаланудың ыңғайлылығын арттыру мақсатында пайдалана алады. Бұл ретте мұндай әдістер, құралдар және қызметтер пайдаланушыларды сәйкестендіру мақсатында қолданылмайды.

2.1. Оператордың құқықтары:
дербес деректер субъектісінен өзі ұсынған дербес деректерге қатысты дұрыс және нақты ақпарат алуға,
дербес деректер субъектісінен ұсынылған дербес деректерді уақтылы нақтылауды талап етуге,
сайт келушілерін ақпараттандыру мақсатында іс-шараларға қатысушылардың фотосуреттерін сайтта және оператордың өзге де ақпараттық ресурстарында орналастыруға.
2.2. Оператордың міндеттері:
Қазақстан Республикасының қолданыстағы заңнамасында белгіленген тәртіппен дербес деректерді өңдеуге,
Қазақстан Республикасының заңнамасына сәйкес дербес деректерді қорғау үшін қажетті, оның ішінде құқықтық, ұйымдастырушылық және техникалық шараларды қабылдауға және сақтауға.
2.3. Дербес деректер субъектілерінің құқықтары:
оператор өңдейтін өздерінің дербес деректері туралы ақпаратты info@ponpartners.kz электрондық пошта мекенжайына сұрау салу арқылы алуға,
өздерінің дербес деректерін нақтылауды, бұғаттауды немесе жоюды талап етуге,
Дербес деректер туралы заңда және Қазақстан Республикасының өзге де нормативтік құқықтық актілерінде көзделген өзге де құқықтарды жүзеге асыруға.
2.4. Дербес деректер субъектілерінің міндеттері:
операторға тек дұрыс деректер мен ақпарат ұсынуға,
өздерінің дербес деректерінің нақтыланғаны туралы операторға хабарлауға.

3.1. Сайт пайдаланушысы өзінің дербес деректерін ерікті түрде және ешқандай мәжбүрлеусіз ұсынады, өзінің құқық қабілеттілігі мен әрекет қабілеттілігі шектелмегенін, осы келісімнің мәнін түсінуге кедергі келтіретін аурулардан зардап шекпейтінін, сондай-ақ оны дербес деректерді өңдеуге келісім беруге мәжбүрлейтін мән-жайлардың жоқ екенін растайды.
3.2. Сайтта дербес деректерді көрсету үшін көзделген өрістерді толтыра отырып, пайдаланушы осы Саясатты қабылдайды және өзінің дербес деректерін осы Саясатта көрсетілген тәртіппен және талаптарда өңдеуге келісім береді.
3.3. Осы Саясаттың талаптарын қабылдай отырып, пайдаланушы өзі ұсынған дербес деректердің дұрыс екенін растайды.
3.4. Осы Саясаттың талаптарын қабылдай отырып, сайт пайдаланушысы Қазақстан Республикасының дербес деректер туралы қолданыстағы заңнамасында көзделген өз құқықтары мен міндеттері туралы хабардар екенін, атап айтқанда, өз дербес деректеріне қол жеткізу құқығын, өз келісімін кері қайтарып алу құқығын және өзге де құқықтары туралы хабардар екенін растайды.
3.5. Пайдаланушының келісімі оператордың дербес деректерді жинақтауға, сақтауға, өзгертуге, толықтыруға, пайдалануға, таратуға, иесіздендіруге, бұғаттауға және жоюға бағытталған әрекеттерін қамтиды. Пайдаланушының дербес деректерін өңдеу және қорғау Дербес деректер туралы заңның талаптарына сәйкес жүзеге асырылады.
3.6. Осы келісім дербес деректер ұсынылған күннен бастап 5 (бес) жыл бойы қолданылады. Көрсетілген мерзім өткеннен кейін операторда келісімнің кері қайтарып алынғаны туралы мәліметтер болмаған жағдайда, осы келісімнің қолданылу мерзімі әрбір келесі 5 (бес) жылға ұзартылған болып есептеледі.
3.7. Дербес деректерді өңдеуді тоқтатудың шарты болып дербес деректерді өңдеу мақсаттарына қол жеткізу, келісімнің қолданылу мерзімінің аяқталуы немесе дербес деректер субъектісінің өзінің дербес деректерін өңдеуге берген келісімін кері қайтарып алуы, сондай-ақ дербес деректердің заңсыз өңделу фактісінің анықталуы болып табылады. Дербес деректер субъектісі өз дербес деректерін өңдеуге берген келісімін заңда көзделген кез келген тәсілмен, оның ішінде info@ponpartners.kz электрондық пошта мекенжайына жазбаша хабарлама жіберу арқылы кері қайтарып алуға құқылы.

4.1. Осы Саясат Қазақстан Республикасының дербес деректер туралы қолданыстағы заңнамасына тиісті өзгерістер немесе толықтырулар енгізілген жағдайларда өзгертілуге немесе толықтырылуға жатады, сондай-ақ оператордың қалауы бойынша кез келген уақытта өзгертілуі мүмкін. Саясаттың қолданыстағы редакциясы келесі тұрақты мекенжай бойынша сайтта шектеусіз тұлғалар тобына әрдайым қолжетімді: https://ponpartners.kz/policy.
4.2. Дербес деректерді өңдеу және қорғау мәселелері бойынша осы Саясатта тікелей реттелмеген оператор мен сайт пайдаланушысы арасындағы құқықтық қатынастар Қазақстан Республикасының дербес деректер туралы қолданыстағы заңнамасының ережелерімен реттеледі.