Соттарда және мемлекеттік органдарда өкілдік ету

Бұл дауды құқықтық сүйемелдеуді толық көлемде қамтитын кешенді қызмет. Ол клиентті дауды жүргізуге байланысты құқықтық және ұйымдастырушылық міндеттердің басым бөлігінен босатуға мүмкіндік береді. Біздің өкілдік ету қызметіміз клиенттің жеке қатысуын барынша азайта отырып, істің барысын толық бақылауда ұстауды қамтамасыз етеді. Біз істің оң нәтижемен аяқталу ықтималдығын бағалаудан бастап, процестің әрбір кезеңінде тікелей қатысуға дейінгі барлық жұмысты өз мойнымызға аламыз. Біз азаматтық және әкімшілік істер бойынша, оның ішінде экономикалық, салықтық, мүліктік, еңбек, отбасылық, мұрагерлік және өзге де даулар бойынша құқықтық көмек көрсетеміз. Сондай-ақ компаниялардың мүдделерін халықаралық соттар мен төреліктерде қорғаймыз, Қазақстан мен Ресей аумағында сот актілерін тану, заңдастыру және орындау рәсімдерін құқықтық сүйемелдеуді жүзеге асырамыз.

Жағдайға қатысты құқықтық аудит жүргіземіз, істің перспективаларын объективті бағалаймыз және мүмкіндік болған жағдайда сенім білдіруші үшін оң нәтижеге қол жеткізудің оңтайлы жолын айқындаймыз.

Қажетті барлық процестік құжаттарды (претензиялар, талап арыздар, шағымдар, өтінішхаттар және т.б.) дайындаймыз.

Дауды сотқа дейін реттеу жұмыстарын және келіссөздерді жүргіземіз, мамандарымыздың әкімшілік рәсімдердің және сот отырыстарының барлық кезеңдеріне қатысуын қамтамасыз етеміз, процессуалдық қарсы тараппен, мемлекеттік органдармен және сотпен өзара іс-қимыл жасаймыз.

Барлық әрекеттер мен дайындалған құжаттарды клиентпен келісеміз, істің барысы және қабылданған шешімдер туралы тұрақты түрде хабардар етіп отырамыз.

Сот актілерінің орындалуын құқықтық сүйемелдейміз, оның ішінде атқарушылық құжатты жеке сот орындаушысына ұсыну, атқарушылық іс жүргізудің барысын бақылау, борышкердің мүлкін іздестіруге және оған өндіріп алу шараларын қолдануға жәрдемдесу, жеке сот орындаушысының заңсыз әрекеттеріне шағымдану және басқа да әрекеттерді жүзеге асырамыз. Біз өндіріп алушылардың да (берешекті нақты өндіріп алу үшін), борышкерлердің де (заңсыз қысымнан қорғау үшін) мүдделерін білдіреміз.

Бизнесті құқықтық сүйемелдеу және тіркеу

Құқықтық құжаттарды дайындау

Консультациялық сүйемелдеу

Соттарда және мемлекеттік органдарда өкілдік ету

Халықаралық даулар

Бизнестің құқықтық мәселелері

Көші-қон мәселелері

Жеке тұлғалардың құқықтық мәселелері